[شجر الليمون .. دبلان على أرضه]
[ الاشعار ]
المواسم
[السبيكه الصفرا]
فى ضل .. برموده (1)
وبشنس .. وبؤؤنه (1)
الأرض ما طقتش توبها
الفلاحين .. بالمناجل
حشوا زراير حبوبها
حبيبتى هلت وعادت
شالت .. وحطت .. وشالت
الفلاحين لما قالت
ياعينى يا أرضى
الأرض ع السدر مالت
عيدان هزيله وغبره
شبه السبيكه الصفره
الموسم اللى عدى
فين الحبيبه كانت
بتين خدودها اللى هامس
التين على الشجره يابس
حبيبتى هلت وعادت ..
بورد ع اليد طارح
الورد على غصنه جارح
بنبق شفايفها عامر
النبق على جوعنا قادر .. !؟
حبيبتى زى المواسم ..
تلم طرح المواسم
وانا ابن فلاح صغير
وصاني أبويا أدور ..
على حبيبتى .. حبيبته
1967
[ منتدى عبد الرحيم منصور ]
[ موقع اشعار مصرية ]
[ الصفحة الرئيسية ]
